香港美食推介：超高级“響”受！人气日本烧肉放题终于吃到了！

　　今日来到最近超有人气新开的日本烧肉放题！好在朋友机智要一早预定位，因为booking去到两日处。现在人们对食物既要求真的愈黎愈高。价钱已经不是最重要，最重要是这个质量值不值这个消费价格。只要质素好，大家都愿意去花钱享受。而终於我找到一间值得我花钱享受的一间日本烧肉。

　　钱：$408（8点前），$458, $248（宵夜时段）

　　任食和牛烧肉海鲜，刺身，小食炸物，和食汤面，清酒梅酒啤酒饮品，雪糕甜品。??睇见都流哂口水！

　　餐厅位于佐敦，地铁站一出来就看到了。环境装潢很日式，座位阔落舒适。最值得一赞是冷气超够冻，排烟系统做得挺好，食完不会好大阵油烟味！

　　刺身拼盘！哇！！一黎到，卖相好靓！会送我们一份海胆刺身，其余的刺身都可以再点！

　　带子，油甘鱼，三文鱼，吞拿鱼，八爪鱼，甜虾。质素都好好的！

海胆好creamy!浓郁既海水味！好好味！包埋紫菜食仲好味！

　　尤其我最钟意食三文鱼刺身食落真系好肥美，鱼味食得出系新鲜，很鲜甜！唔系一般既货色。

　　油甘鱼亦系腩位黎，柚甘香味重。正！

　　海鲜拼盘?竟然有鲍鱼，大大只海螺，生蚝，大虾！仲要有 日本运到既 喜之次 ?? ！真系好有惊喜。都系第一次食！呢个价钱真系有好既质素！

　　鲍鱼大大只，本身担心烧完会好乾好韧。点知唔会。反而仲好好食，唔会缩水。

　　海螺仲愈烧愈出汁，好香好鲜甜，唔洗再沾酱都够哂味道！

　　日本海鱼：喜之次 第一次食！

　　原来呢只鱼烧完都好味，唔会鞋”，鱼肉嫩，烧完仲好香，鱼片会变到好脆身。而且唔难烧，唔会烧到条鱼烂哂。证明够新鲜！

　　和牛拼盘：每种牛都Remark哂个名，好好！等我地识得分！

　　澳洲和牛西冷、澳洲和牛肉眼、米泽三元豚腩片，美国牛肋骨，澳洲和牛胸腹！

　　呢几款牛都好正！！完全同平时食到既烧肉完全唔同，食得出个质素分别！肉质都好够嫩牛肉味重。尤其 米泽三元豚腩片真系好好味！脂肪多，烧到好惹火，烧完肉质好香，好烟韧！好似食紧五花腩咁！好正！

七味豚拖罗（猪颈肉），连骨鸡肉肠，手羽

牛舌，一口和牛粒，米泽三元豚西冷都一定要点！

　　除左烧肉外，佢既熟食炸物都好正！

　　必点：佢既天妇罗炸物真系食过咁多间最好味。

　　质素同平时食既放题完全唔同。

　　大虾天妇罗 好大只，炸到好脆，唔会厚粉！好弹牙！

　　榴莲炸弹:钟意食榴莲既一定要食！

　　呢度既榴莲炸弹质素食过最好。佢唔止大粒，连里面既榴莲蓉都好多，味道好浓郁。

　　芝士年糕： 食落似日本烧饼咁，好烟韧。外面炸到好脆卜卜，食落芝士味好浓，咸咸地唔会觉得漏。

　　最后记住留肚食佢既甜品蛋糕同雪糕雪条呀！

　　響 - Hibiki 日本燒肉

　　地址：佐敦白加士街101号珀轩1楼

　　交通指引：港铁佐敦站 A 出口, 步行约3分钟

　　营业时间：星期一至日17:30 - 02:00

　　付款方式：Visa Master AE 现金 银联 支付宝 微信支付